སྐྱབས་རྗེ་རྗེ་མཁན་རིན་པོ་ཆེའི་བཀའ་སློབ།

ད་རེས་ གཟའ་སྐར་རྟེན་འབྲེལ་ཕུན་སུམ་ཚོགས་པའི་ཉིམ་འདི་ལུ་ གཞུང་དང་མི་སེར་མཉམ་རུབ་ཀྱི་ཐོག་ལས་ ད་ལྟོ་འབྱུང་ཞིན་ཡོད་པའི་ ནད་ཡམས་ཀོ་ཝིཌ་-༡༩ བཀག་འཛིན་འབད་དེ་ ནམ་ཡང་བྱུང་མ་མྱོང་བའི་གསར་གཏོད་ཀྱི་ལས་རིམ་འདི་ འགོ་འབྱེད་རྟེན་འབྲེལ་འབད་ནིའི་གོ་སྐབས་འཐོབ་མི་དེ་ལུ་ གནམ་མེད་ས་མེད་དགའ་བ་འབྱུང་ཡི།གསར་གཏོད་ཀྱི་ལས་རིམ་ “ང་བཅས་རའི་འགན་ཁུར་” ཟེར་མི་སྐུལ་བསྒྲགས་འདི་ ཀོ་ཝིཌ-༡༩ གདོང་ལེན་འབད་ནིའི་དོན་ལུ་ དྲན་བསྐུལ་བསྐྱར་གསོ་འབད་ནི་རྐྱངམ་ཅིག་མེན་པར་ ད་ལས་ཕར་སྤྱི་རུབ་ཀྱི་ཐོག་ལས་ རྒྱལ་ཁབ་ཡར་རྒྱས་ཀྱི་ ཐབས་བྱུས་གསརཔ་ཅིག་འགོ་བཙུགས་ནི་འདི་ཨིན་པས།དེ་གི་ཡང་མ་ཚད་པར་ སྐུལ་བསྒྲགས་འདི་ ང་བཅས་རའི་རྒྱལཔོ་ཡབ་སྲས་ཚུ་གི་ ཐུགས་བསྐྱེད་བཟང་པོའི་དགོངས་བཞེད་བླ་ན་མེད་པ་ལས་འཁྲུངས་ཏེ་ ད་ལྟོ་གི་གནས་སྟངས་ཚུབ་ཅན་ལས་གྲོལ་ཐབས་དང་ ད་ལས་ཕར་གདོང་ལེན་འབད་དགོཔ་ག་ཅི་བཟུམ་ཅི་འཐོན་རུང་ འཐུས་ཤོར་འགན་ཤོར་མེད་པར་ ཕྱག་ཕྱིད་ཞུ་ཚུགས་ནིའི་དོན་ལུ་ ལྷག་བསམ་རྣམ་དག་གི་སྒོ་ལས་ སྤྱི་མཐུན་གྱི་འགན་ཁུར་དང་ རྒྱལ་ཡོངས་གཅིག་སྒྲིལ་གྱི་སེམས་སྟོབས་བསྐྱེད་བཅུག་ནིའི་ལས་རིམ་ཅིག་ཡང་ཨིན་པས།ང་བཅས་རའི་རྒྱབ་ཁབ་ཀྱི་ ཞི་བདེ་དང་ གོང་འཕེལ་གཏང་ནི་འདི་ མི་ངོམ་རྐྱང་པའི་འགན་ཁུར་མེན་པར་ གཅིག་རུབ་ཐོག་ལས་འབག་དགོ་པའི་འགན་ཁུར་ཨིནམ་ལས་ གསར་གཏོད་ཀྱི་ལས་རིམ་ “ང་བཅས་རའི་འགན་ཁུར་” ཟེར་མི་འདི་ དུས་ཚོད་དང་མཐུན་པའི་དྲན་གསོ་ཅིག་ཨིན་པས། མི་དབང་མངའ་བདག་རིན་པོ་ཆེ་གིས་ རང་མོས་རྣམ་དག་གི་སྒོ་ལས་ ཐུགས་བསྐྱེད་བྱང་ཆུབ་སེམས་དཔའ་ཆེན་པོ་བསྐྱེད་དེ་ཕྱག་ལཱ་མཛད་མི་དེ་ལུ་ ང་བཅས་རང་ཆ་ཁྱབ་ཡང་ བློ་སྟོབས་བསྐྱེད་དེ་ རྩ་ཅན་གྱི་འབྲུག་རྒྱལ་ཁབ་འདི་ ནད་ཡམས་དེ་ལས་ཉེན་སྲུང་འབད་ནི་དང་ ད་ལས་ཕར་རྒྱལ་ཁབ་འདི་སྒྲིང་སྒྲིང་དང་ སྔར་བ་ཡང་ལྷག་སྟེ་འཇོན་སྟབས་ཅན་ཅིག་ལུ་བཟོ་ནིའི་འགོ་བཙུགས་དགོགསར་གཏོད་ཀྱི་ལས་རིམ་ “ང་བཅས་རའི་འགན་ཁུར་” འདི་ ཐར་འཁྱོལ་ཅན་ཅིག་ལུ་འགྱུར་བཅུག་ཟེར་བའི་སྨོན་ལམ་དང་ ག་ར་ལུ་ བཀྲིས་ལེགས་སྨོན་ཡོད།...