Thursday, July 16, 2020

གསོ་བའི་ལྷན་ཁག་གི་ཡོངས་འབྲེལ་གཟིགས་གནང་མི་ལུ་བཀའ་འདྲིན་ཆེ། ཡོངས་འབྲེལ་འདི་དཔལ་ལྡན་འབྲུག་གཞུང་གསོ་བའི་ལྷན་ཁག་གིས་བདག་དབང་དང་འཛིན་སྐྱོང་འཐབ་ཨིན། གསོ་བའི་ཡོངས་འབྲེལ་འཆར་སྒོ་བཟོ་དགོ་པའི་དམིགས་ཡུལ་གཙོ་བོ་རང་ མི་དམངས་དང་མི་ངོམ་རང་སོའི་ཕན་ཁྱད་ལུ་  བརྡ་དོན་ཚུ་རིང་མེད་སྟོང་པར་སྦེ་སྤྲོད་ཐབས་ལུ་ཨིན།

ཡོངས་འབྲེལ་འདི་ སྤྱིར་བཏང་གི་བརྡ་དོན་སྤྲོད་ནིའི་དོན་ལུ་མ་གཏོགས་ ཡོངས་འབྲེལ་འདི་ནང་ཡོད་པའི་བརྡ་དོན་དང་འབྲེལ་མཐུད་འབད་དེ་ཡོད་པའི་ཡོངས་འབྲེལ་ཁ་བྱང་ཚུ་དང་ བརྡ་དོན་ བསམ་འཆར་ཚུ་ དུས་མཐུན་དང་ ངེས་བདེན་ ཆ་ཚང་གི་གནད་དོན་ཚུ་ཁུངས་ལྡན་ཨིན་ཟེར་ང་བཅས་གསོ་བའི་ལྷན་ཁག་ཁ་ཐུག་ལས་ཁས་ལེན་འབད་མི་ཚུགས་ དེ་འབདཝ་ལས་ཡོངས་འབྲེལ་གཟིགས་མི་དང་ལག་ལེན་འཐབ་པའི་སྐབས་ལུ་བདེན་དཔྱད་འབད་ནི་ཚུ་རང་སོའི་གདལ་དབང་ཨིན།

ལག་ལེན་འཐབ་མི་ཚུ་གི་འགན་ཚད།

ཡོངས་འབྲེལ་འཆར་སྒོ་འདི་ལག་ལེན་གི་དོན་ལུ་ གཤམ་གསལ་གནས་སྟངས་དང་ཁས་ལེན་ཚུ་གི་བདག་དབང་འབདཝ་ཨིན། ན་གི་འདི་ནང་ཡོད་པའི་གནས་སྟངས་དང་ཁས་ལེན་ཚུ་ལུ་ངོས་ལེན་ཡོད་པ་ཅིན་འཕྲོ་མཐུད་གནང་ དེ་མིན་པ་ཅིན་ཐད་དཀར་ཕྱིར་འཐོན་མཛད་གནང་།

  •  ཡོངས་འབྲེལ་འཆར་སྒོ་འདི་ནང་ལུ་ཡོད་པའི་ པར་དང་བཟོ་བཀོད་ གློག་བཀོད་ ཡིག་རིགས་ དེ་ལས་གཞན་འཆར་སྒོ་འདི་ནང་ཡོད་པའི་མཉན་ཆས་ལས་རིམ་ གཞན་ཡང་བརྡ་དོན་ཚུ་ག་རང་ བདག་དབང་ཧྲིལ་པོར་ གསོ་བའི་ལྷན་ཁག་ལུ་ཡོདཔ་ཨིན།
  • ཡོངས་འབྲེལ་འཆར་སྒོ་འདི་ དུས་རྒྱུན་ལག་ལེན་དང་ འཕྲུལ་སྤྱོད་འབད་ནི་འདི་ ག་རང་ང་བཅས་ལུ་དབང་ཚད་མེདཔ་ལས་ འཕྲུལ་ཆས་དེ་ཚུ་ལུ་རག་ལས་འོང་།  དེ་འབདཝ་ལས་ ང་བཅས་ཀྱི་ཁ་ཐུག་ལས་ དུས་རྒྱུན་འཕྲོ་མཐུད་ལག་ལེན་འཐབ་ནི་དང་ ཡང་ཅིན་ བར་ཆད་མེད་པར་ ཞབས་ཏོག་ཕུལ་ཚུགས་ནི་ལུ་ ཁས་ལེན་འབད་མི་ཚུགས།

ཉེན་སྲུང་།

གློག་རིག་ཐོག་ལས་བརྡ་སྤྲོད་འབད་བའི་སྐབས་ལུ་ གཞན་གྱིས་བར་དཀྲོག་འབད་ནིའི་གནོད་ཉེན་ཆེ་འོང་། ང་བཅས་ཀྱི་ཧོང་ལས་ རྩ་འགེངས་ཏེ་འབད་རུང་ འཆར་སྒོ་འདི་ གློག་རིག་མཉན་ཆས་ལུ་གནོད་ཉེན་བརྐྱབ་པའི་ མཉན་ཆས་ཚུ་མེད་ཟེར་བའི་ ཁས་ལེན་མི་ཚུགས། 

ཨིན་རུང་ ང་བཅས་ཀྱི་ཁ་ཐུག་ལས་ འཕྲུལ་ཆས་དྲག་ཤོས་ཚུ་ལག་ལེན་འཐབ་སྟེ་ འཆར་སྒོ་འདི་གི་ཐོག་ལས་ བརྡ་དོན་སྤྲོད་ལེན་འབད་ནི་འདི་ ཉེན་སྲུང་དང་ལྡནམ་སྦེ་བཟོ་ནི་ཨིན། དེ་འབདཝ་ད་ འཆར་སྒོ་འདི་བརྒྱུད་དེ་ སྤྲོད་ལེན་འབད་ཡོད་པའི་ བརྡ་དོན་ཚུ་གི་ ཉེན་སྲུང་དང་ བདེན་ཁུངས་ དྲང་བདེན་ ཡང་ན་ གསང་བྱ་ཚུ་དང་འབྲེལ་བའི་ཉོགས་བཤད་ཚུ་ ང་བཅས་ཀྱི་ཧོང་ལས་ ངོས་ལེན་འབད་མི་ཚུགས།

སྒེར་སྡེ་ག་རང་འབད་རུང་ རང་སོའི་འཆར་སྒོ་ཚུ་ གསོ་བའི་འཆར་སྒོ་དང་འབྲེལ་མཐུད་འབད་ནིའི་དང་འདོད་ཡོད་པ་ཅིན་ འཆར་སྒོ་འཛིན་སྐྱོང་འབད་མི་ལུ་ རང་སོའི་ཁ་གསལ་དང་ འབྲེལ་བ་འཐབ་སའི་ཁ་བྱང་ གཞན་ཡང་ཡུ་ཨར་ཨེལ་ འབྲེལ་ལམ་གྱི་ཞུ་བ་ རང་སོའི་འཆར་སྒོའི་ལས་སྣ་ དེ་ལས་འབྲེལ་མཐུད་འབད་དགོ་པའི་གནད་དོན་ཚུ་གི་སྐོར་ལས་ཁ་གསལ་སྦེ་ཡིག་ཐོག་ལུ་ཕུལ་དགོ།

དྲན་གསོ།

གཤམ་གསལ་གྱི་ བརླག་སྟོར་དང་སྐྱོན་ཆགས་འབྱུང་མི་ཚུ་ང་བཅས་ཀྱི་ཉེན་ཁ་མི་འབག་ འདི་ཡང་:

  •  འཆར་སྒོ་འདི་ལག་ལེན་དང་ བལྟ་ནི་ ཡང་ཅིན་ དེ་ནང་བཀོད་ཡོད་པའི་ གསལ་བཤད་ བསམ་འཆར་ དེ་ལས་ འཆར་སྒོ་འདི་ནང་གི་གནད་དོན་ཁྱད་ཚབ་ཚུ་ལས་བརྟེན་པ།
  • འཕྲུལ་སྤྱོད་ ཡང་ན་ རྒྱང་བསྒྲགས་འབད་ནི་ལུ་ ཡུན་བསྣར་ལུས་པ་དང་ བརྡ་དོན་སྤྲོད་ལེན་འཐུས་ཤོར་བ་ གློག་རིག་བརྒྱུད་ལམ་མེད་པ་ ཡང་ཅིན་ མཉེན་ཆས་ཚུལ་བཞིན་ལཱ་འབད་མ་བཏུབ་པ་ལས་འབྱུང་བ།
  • འཆར་སྒོ་ལག་ལེན་འཐབ་མི་ མི་གང་རུང་གཅིག་གི་ བསམ་བཀོད་དང་ བྱ་སྤྱོད་ལས་འབྱུང་བ།
  •  ག་དེ་སྦེ་ཨིན་རུང་ འཆར་སྒོ་འདི་གིས་ གསོ་བ་དང་འབྲེལ་བའི་གནད་དོན་ཤེས་དགོ་མནོ་མི་ཚུ་ལུ་ བཀག་ཆ་མི་འབད།